IED AT ILANG MATATAAS NA KALIBRE NG ARMAS NAREKOBER NG MGA SUNDALO MATAPOS ANG SAGUPAAN
(01/25/2012)

           NAREKOBER NG MGA SUNDALO DALAWANG IMPROVISED EXPLOSIVE DEVICES AT ISANG MATAAS NA KALIBRE NG ARMAS KASAMA ANG M203 GRENADE LAUNCHER MATAPOS ANG SAGUPAAN SA PAGITAN NG ORGANIZED CRIME GROUP (OCG) SA SITIO BAROBO, BARANGAY, SAN ISIDRO, LUNGSOD NG LUPON.

           AYON KAY FIRST LT RODEL DAGUIO, PAPATUNGO SILA SA SUSUNOD NA OUTREACH PROGRAM NG MAKASAGUPA NILA ANG MAHIGIT SA 20 MIYEMBRO NG ARMADONG GRUPO.

           WALANG NASUGATAN O NASAWI SA PANIG NG MGA SUNDALO HABANG INAALAM PA ANG BILANG NG MGA NASUGATAN SA PANIG NG MGA KOMUNISTA DAHIL NA RIN SA BAKAS NG DUGO SA LUGAR NA DINAANAN SA KANILANG PAGTAKAS.

           NAUNA NITO, IPINAHAYAG NI BRIG GENERAL LEONIDO BONGCAWIL, COMMANDER NG 701ST INFANTRY BRIGADE NA MAY ILANG REPORT NA LUMABAS NA PAG-ATAKE NG MGA ARMADONG GRUPO.

           MATATANDAAN NA NOONG NAKARAANG LINGGO ANG MGA NASABING REBELDENG GRUPO AY UMATAKE SA PLANTASYON SA SUMIFRU SA MAWAB NA NAGRESULTA SA PAGKASAWI NG ANIM NA KOMUNISTA AT NAKUHA ANG ANIM NA MATATAAS NA KALIBRE NG ARMAS.

           DAGDAG PA NI BONGCAWIL, IPAGPAPATULOY NG 10TH INFANTRY DIVISION ANG PAGPIGIL SA ANUMANG TERROR ATTACK TULAD NG PAGGAMIT NG LANDMINE UPANG TUPARIN ANG KANILANG MANDATO NA MAGSILBI AT PROTEKTAHAN ANG MAMAMAYAN.

           NANAWAGAN NAMAN SI LTC LEOPOLDO IMBANG JR, COMMANDER NG 28TH INFANTRY BATTALION NA MAGING MAPAGMATYAG ANG MAMAMAYAN NG LUPON LALO NA SA MGA PAG-ATAKE NG MGA REBELDENG GRUPO.