PAGHUHUKAY SA TABING DAGAT NG SOUTH ROAD PROPERTIES PANSAMANTALANG PINATIGIL MATAPOS MATAGPUAN ANG 23 BOMBA
(01/26/2012)

              TEMPORARYONG PINATIGIL ANG PAGHUHUKAY SA TABING DAGAT SA SOUTH ROAD PROPERTIES (SRP) HABANG SINUSURI KUNG WALA NA BANG IBANG BOMBA ANG NAKALIBING SA LUGAR.

              ITO ANG IPINAHAYAG NI PHILI ZAFRA , EXECUTIVE ASSISTANT NI MAYOR MICHAEL RAMA MATAPOS MAHUKAY ANG 23 VINTAGE BOMB SA NASABING LUGAR NA SAKOP NG KAWIT ISLAND.

              BINABANTAYAN NG MGA MIYEMBRO NG SPECIAL WEAPONS AND TACTICS (SWAT) UPANG MASIGURO ANG SEGURIDAD NG NATURANG LUGAR.

              NAPAG-ALAMAN MULA KAY LTC CHRIS TAMPUS ,TAGAPAGSALITA NG CENTRAL COMMAND NA SIYANG NANGUNA SA PAGSIYASAT SA MGA BOMBA NA ANG BAWAT BOMBA AY MAY BIGAT NA 150 LIBRA KATULAD NG BIGAT NG ISANG TAO.

              ANYA, MAARING SUMABOG ANG NASABING BOMBA DAHILAN UPANG MAKIPAG-UGNAYAN SILA NGAYON SA CITY HALL UPANG I-SCHEDULE ANG EXPOSITION NG MGA ITO.

              DAGDAG PA NITO NA ANG MGA NASABING BOMBA ANG TINATAWAG NA GENERAL PURPOSE BOMB NA MAY PICRIC ACID NA KUNG MASAYAD SA TAO MAKAKARAMDAM ITO NG PANGANGATI SA KANYANG KATAWAN.